فتكات الحقوا تنظيف المنزل في ساعة الا ربع

تنظيف المنزل

تنظيف المنزل موضوع كل ست بيت عاوزة تحافظ على مظهر بيتها سواء قدام جوزها او اهل جوزها .

علشان كدة فى الموضوع دة هنسهل مهمة تنظيف المنزل لكل ست بيت مش عارفة تنظم وقتها لبيتها ولجوزها ولعيلها . 

دلوقتى كلنا عندنا هم تنظيف البيت كل يوم معندناش وقت خالص مابين العيال والبيت والدراسة واذا كنتى موظفة يبقى الشغل طيب وبعدين مهو معلش جوزك مش مجوزك علشان تشيلي همك .

 

طيب وبعدين هتعملى ايه طيب اقولك ياستى بصى :

اول حاجة لو انتى موظفة هتصحى الصبح تروحى شغلك عادى وبعد متخلصى شغلك هتروحى البيت تعملى الخطوات الى هشرحالك حالا دلوقتى الخاصة بعملية تنظيف المنزل

الى هيا ايه بقا :

1- هتفتحى باب الشقة هتخشى اوضة النوم تغيرى هدومك وتلبسى اى هدوم قديمة تكون صالحة لشغل البيت .

2- اول حاجة هتخشى على اوضة الاطفال بتاعت الاولاد تنضفيها وتنضفى الشبابيك كويس من التراب وتلمعيها .

3- هتلعمى اى حاجة ازاز موجودة فى الاوضة هتشيلي السجاد وتكنسى تحته .

4- تنفضى السجاد بره الشقة وتدخليه وتفرشيه وكدة خلصتى اوضة الاطفال .

5- اوضة النوم طبعا سهلى هتروقى السرير وتلمغى التسريحة والكومود وتكنسى السجاد وتطلعى .

6- الصالة هتروقيها وتلمعى كل حاجة فيها وتكنسى ويبقى كدة خلصتى الشقة كلها .

 

7- المطبخ : 

• هتعملى ايه فى المطبخ بقا اول حاجة هتروقي الرخامة كويس جدا وتلمعيها .
• البوتجاز هتغسليه بالليفة والصابون السايل وبعد متخلصى شوية خل وتلمعى العيون بتاعت البوتجاز .
• الارض هتكنسيها وتمسحيها بالشرشوبة ويبق كدة خلصتى المطبخ ثوانى نسيت لو فى مواعين اغسيلها وابدأى بقا اعملى اكلك على نضافة .

انا كدة خلصت كل حاجة تخص تنظيف البيت بالكامل علفكرة كل اللى انا قولته دلوقتى لو اتعمل قبل متنامى بليل يبقى احسن وهتنجزى بس حاولى تينى الاولاد علشان تعملى كل حاجة براحتك وبدون استعجال .

 

دايما حافظى على شقتك وعلى نضافتها ومتخليش حد يعيب عليكي ابدا ولا حتى جوزك خلى دايما يبقى مبهور بيكى وبنضافتك وبكل حاجة شقتك وجهتك  وخاصة قدام حماتك .

متخليش جوزك يعيرك ابدا انك مش نضيفة سواء نضافة البيت او نضافتك انتى الشخصية خليكي دايما مميزة واتعلمى دايما ان مفيش حد احسن منك ولا انتى احسن من حد .

 

تابعينى علطول في قسم التدبير المنزلى واى سؤال انا منتظراه منكوا وهجاوب على كل سؤال بشرح كامل انا معاكوا وتحت امركوا استنونى ….. متروحوش فى اى حته …

مواضيع قد تهمك : 

شركة تنظيف بخميس مشيط

شركة مكافحة حشرات بالهفوف

شركة مكافحة حشرات بابها

شركة تنظيف بالهفوف